प्रचण्ड सल्लाको रुख जस्तै नेता हुन,रुख ठुलो र सर्लक्क परेको हुन्छ, वरीपरि केही उम्रीदैन : अनन्त पौडेल

बाग्मती खबर
१६ आश्विन २०७८, शनिबार १५:५०

हेटौँडा । नेकपा एमाले नेता तथा संविधान सभा सदस्य अनन्त पौडेलले प्रचण्डलाई सल्लाको रुखको संज्ञा दिएका छन् । बामगती प्रदेशको मुकाम हेटौँडाबाट सन्चालित पहिलो र एकमात्र स्याटेलाईट टेलिभिजन नेशनल गोल्ड टेलिभिजनको कार्यक्रम नेशनल टकमा कुरा गर्दै पौडेलले यस्तो बताएका हुन् ।
प्रचण्डले जुन पार्टीको नेतृत्व गरेपनी पनी पटक पटक फुटेको र प्रचण्ड आफु मात्र अगाडी बढ्न खोज्ने र सहयोद्धाहरुलाई अगाडी बढ्न नदिने भएको उल्लेख गर्दै उनले भने “प्रचण्ड सल्लाको रुख जस्तै नेता हुन रुख चाहि अग्लो हुन्छ तर सल्लाको रुखको वरपर केही पनी उम्रीदैन ।”

प्रचण्डसँगै जनयुद्ध लडेका नेताहरुलाई प्रचण्डले पाखा लगाउदै दशकौँ आफुमात्र अध्यक्ष भएर बसेको र नाताबाद कृपाबादलाई प्रश्रय दिनाले प्रचण्डको पार्टी घरन घाटको हुने निश्चित रहेको नेता पौडेलको भनाई छ ।

साथै मुलुकमा कम्युनिष्टहरुलाई जनताले विश्वास दिएको र सो विश्वासलाई प्रचण्डले टिक्न नदिएको पौडेलको आरोप छ । माधव नेपाल र प्रचण्डको पदलोलुपताले नेकपा विभाजनको बाटो लिनु परेको उनले बताए ।