अत्यावश्यकीय वस्तुको आयातमा असर छैन

बाग्मती खबर
२४ चैत्र २०७६, सोमबार ०७:१९

काठमाडौँ:- लकडाउनकै अवस्थामा पनि अत्यावश्यकीय वस्तुको आयातमा कुनै असर नपरेको भन्सार विभागले जनाएको छ । यस्ता वस्तुको आयात सामान्य अवस्थामा जस्तै नियमित र सहज किसिमबाटै जारी रहेको विभागका महानिर्देशक सुमन दाहालले जानकारी दिनुभयो । दाल, चामल, चिनी, ग्यासजस्ता अत्यावश्यकीय वस्तु नियमितजस्तै निर्बाध रूपमा आयात भइरहेको छ, उहाँले भन्नुभयो ।
विभागका अनुसार आयात र निर्यातको समग्र मात्रा भने घटेको छ । यद्यपि अत्यावश्यकीय वस्तु भने पहिलेकै परिमाणमा आयात भइरहेको दाहालले स्पयट पार्नुभयो । सामान्य अवस्थामा समग्र आयातमध्ये १० प्रतिशत अत्यावश्यकीय वस्तु हुन्थ्यो, उहाँले भन्नुभयो, अहिले पनि अत्यावश्यकीय बस्तु त्यति नै आयात भएको छ तर अन्य वस्तुको आयात भने १० प्रतिशतमा झरेको छ ।
आयातित वस्तुलाई पूर्ण रूपमा ‘डिसइन्फेक्ट’ गराएर मात्र नेपाल प्रवेश गराइएको महानिर्देशक दाहालले जानकारी दिनुभयो । पूर्ण सुरक्षाको विधि प्रयोग गरेर सुरक्षित रूपमा व्यापारको काम नियमित गरिएको उहाँले बताउनुभयो । चीनतर्फका नाका खुला गरिए पनि अत्यावश्यक वस्तु भारतबाटै अयात हुँदै आएको छ ।आजको गोरखापत्र दैनिकवाट

यसमा तपाइको मत

Your email address will not be published. Required fields are marked *


*