जापानमा होटललाई हस्पिटल बनाईदै, नेपालीहरु अशुरक्षित

बाग्मती खबर
२४ चैत्र २०७६, सोमबार १९:४५

कमल अधिकारी

टोक्यो /जापान :- बिश्वभर महामारीको रूपलिएको कोरोना संक्रमण बाट प्रभावित नगरबासीका लागि टोक्यो महानगरपालिकाले यहॉका केहि होटलहरूलाई अस्पतालमा रूपांतरण गर्ने भएको छ । दिनहुं संक्रमितहरूको संख्यामा भारी बृद्दीहुन थालेपछी टोक्योका गभर्नर युरीको कोईकोले अस्पताल हरूमा गभ्भीर अबस्थाका बिरामीहरू मात्र लैजाने र उपचारपछी सामान्य हुदै गएका र प्रथम चरणका संक्रमितका लागि स्वास्थ्यकर्मीको प्रत्यक्ष निगरानीमा होटलहरूमा उपचार गरीने जानकारी गराएकी छन । टोक्योका अस्पतालहरूमा उपचाररत अन्य बिरामी र कोरोना संक्रमित गम्भीर बिरामीहरू भएको ठॉउमा उपचारपछी सामान्य हुदै गएका बिरामीहरु राख्दा अस्पतालहरूमा बढ्ने अनावश्यक भिडलाई कमगर्न यो निर्णय गरीएको गभर्नर युरीकोले बताएकी छन । दिनहुॅ कोरोना संक्रमित भएर टोक्योका अस्पतालहरूमा आउने बिमारीको चाप अत्यधिक बढ्न थालेको र आगामी दिनमा अझै थपिने देखिएपछी सघन उपचार गर्नु पर्ने बिरामी बाहेक सामान्य संक्रमित र स्वास्थ्थलाभ गरीरहेका बिरामीहरूलाई ति होटलहरूमा राख्ने तयारी टोक्यो महानगरले गरेको हो । आईतबार सम्म टोक्योमा १ हजार १ सयको हाराहारीमा संक्रमित भेटिएका छन । बितेका केहिदिन यता टोक्योमा कोरोनाका रोगीहरूको संख्या डरलाग्दो गरी बढेको छ । यसरी नै बढेको खण्डमा आगामि साता देखि यहाॅका अस्पतालहरूले संक्रमितको चापलाई थेग्न कठिन हुनसक्ने अनुमान गरीदैछ । अहिले सम्म जापानमा ४ हजार ५ सय संक्रमित रहेको र १ सय ५ जनाको ज्यान गैसकेको छ । लगातार संक्रमितहुने बिरामी बढे सगै जापानका बिभिन्न प्रान्तका प्रान्तिय सरकारहरूले प्रधानमन्री सिन्जो आबे संग आपतकालिन घोषणाको माग गर्दै आएका छन । संघिय सरकार पनि देशका प्रमुख शहरहरू र संक्रमितको चाप देखिएका ठाॅउहरूमा आपतकाल घोषणाका लागि परामर्शमा जुटेको समाचारहरू आईरहेका छन । जापान र बिशेषगरी टोक्योमा कोरोनाको संक्रमण बढेसंगै योकोहामा , चिबा , साईतामा , र टोक्यो आसपासका क्षेत्रमा बसोबास गर्ने करीब ५० हजारको संख्यामा रहेका नेपालीमा संन्रास छाएको छ, नेपाली समुदाय पनि अशुरक्षित महशुस गर्न थालेका छन् ।

यसमा तपाइको मत

Your email address will not be published. Required fields are marked *


*