कोरोना सङ्क्रमण रोकथाम कोषमा मुख्यमन्त्री ,मन्त्री एबम कर्मचारीहरुको सहयोग रकम जम्मा

आजनै भाटभटेनी सुपर स्टोरको २५ तथा यती पेन्ट्सको १ लाख ५१ हजार जम्मा
बाग्मती खबर
२७ चैत्र २०७६, बिहीबार २०:०५

हेटौंडा:- प्रदेश सरकारले स्थापना गरेको बागमती प्रदेश कोरोना सङ्क्रमण रोकथाम, नियन्त्रण तथा उपचार कोषमा मुख्यमन्त्री तथा मन्त्रीपरिषदको कार्यालयले सहयोग रकम जम्मा गरेको छ । कार्यालयले कोषको लागि मुख्यमन्त्री एबम सम्पुर्ण मन्त्रीहरु, प्रमुख राजनीतिक सल्लाहकार र सचिवालयका कर्मचारी तथा कार्यलयका कर्मचारीहरुबाट ७ लाख ६४ हजार ७७ रुपैयाँ बिहिबार कोषको खातामा जम्मा गरेको हो ।
मुख्यमन्त्री एबम सम्पुर्ण मन्त्रीहरु, प्रमुख राजनीतिक सल्लाहकार र सचिवालयका कर्मचारीको तर्फबाट ५ लाख ९० हजार २ सय ३३ रुपैया, कार्यलयका कर्मचारीहरुको तर्फबाट १ लाख ७३ हजार ८ सय ४४ रुपैयाँ जम्मा गरिएको मुख्यमन्त्री तथा मन्त्रीपरिषद कार्यालयका लेखा अधिकृत देबिप्रसाद गौतमले जानकारी दिनुभयो । यसअघि मुख्यमन्त्री, मन्त्री तथा मुख्यमन्त्रीका राजनीतिक सल्लाहकारहरुको एक महिनाको सुबिधाबापतको रकम र कर्मचारीको पद अनुसार ३,५ र ७ दिनको तलब बराबरको रकम कोषमा जम्मा गर्ने निर्णय गरिएको थियो । यसै गरि आजनै हेटौडा औधोगिक क्षेत्रमा रहेको सवैभन्दा पुरानो पेन्ट्स कम्पनी यती पेन्ट्स हेटौडाले पनि मुख्यमन्त्री मार्फत कोषमा जम्मा हुने गरि १ लाख ५१ हजार रुपैया आजनै हस्तान्तरण गरिएको छ । उधोगका प्रवन्धनिर्देशक श्रीहरी मास्केले प्रदेशका मुख्यमन्त्री डोरमणि पौडेललाइ आज सो रकमको चेक हस्तान्तरण गर्नु भएको हो । यसै गरि आजनै भाट भटेनी सुपर स्टोरको तर्फवाट पनि २५ लाख रुपैयाको चेक मुख्यमन्त्रीलाइ हस्तान्तरण गरिएको छ । स्टोरका चितवन व्रान्च म्यानेजर जमुना गुरुगले सो चेक मुख्यमन्त्रीलाइ आजनै हस्तान्तरण गर्नु भएको हो । यसै विच जिल्ला स्थीत कोरोना नियन्त्रण कोषको लागि पनि ५१ हजार रुपैयाको चेक यती पेन्ट्सका प्रवन्धक मास्केले कोषका सन्योजक रधुनाथ खुलाललाइ आज एक समारोहका विच हस्तान्तरण गर्नु भएको छ ।

यसमा तपाइको मत

Your email address will not be published. Required fields are marked *


*