३ जनालाइ कोरोना भएको ढिलोगरि स्वाथ्य मन्त्रालयद्धारा पुष्टी

बाग्मती खबर
३० चैत्र २०७६, आईतवार १४:२६

हेटौडा:- पर्साको वीरगञ्जमा तीन जना भारतीय नागरिकमा कोरोना संक्रमण पुष्टि भएको छ । स्वास्थ्य मन्त्रालयले सामाजिक सञ्जालमार्फत ढिलोगरी तीनजनामा कोरोना भएको पुष्टी गरेको हो । स्वास्थय मन्त्रालयका अनुसार विरगंज महानगरपालिका वडा नम्बर २ छपकैयामा रहेको मस्जीदमा शंकास्पद २१ जनामध्य ३७,५५ र४४ बर्षका पुरुषहरुलाई कोभीड १९  भएको पुष्टी गरेको हो । मन्त्रलायका अनुसार उनीहरुको  संम्पर्कमा रहेका उनीहरु गएका स्थानको पहिचान गर्ने काम भैरहेको छ । राष्ट्रिय जनस्वास्थ्य प्रयोगशाला टेकुमा उनीहरुको नमुना परीक्षण गर्दा कोरोना संक्रमण पोजेटिभ देखिएको हो । वीरगञ्जबाट नमुना संकलन गरी हेटौंडा स्थित प्रयोगशालामा परिक्षण गर्दा उनीहरुको रिपोर्ट पोजेटिभ आएको थियो । त्यसपछि पुनः जाँचका लागि राष्ट्रिय प्रयोगशालामा पठाइएको थियो । भारतबाट आएका २४ जनासहित ३३ जनाको नमुना संकलन गरि गत बिहीबार परीक्षणका लागि हेटौंडा प्रयोगशाला पठाइएको थियो । संक्रमण पुष्टि भएकामध्ये दुई जना उत्तरप्रदेश र एक जना दिल्लीमा बस्दै आएका थिए । उनीहरु १३ दिनदेखि वीरगञ्ज–२ छपकैया स्थित जामे मस्जिदमा आएको स्थानीयले बताएका   छन् । सप्तरीमा आयोजित मुस्लिम धार्मिक सभामा सहभागी हुन आएका उनीहरु त्यही बेलादेखि भारत फर्केका छैनन् । मार्च ४ तारिकमा रिटर्न ट्रेन टिकेट भए पनि लकडाउनका कारण उनीहरु रोकिएका थिए । लकडाउन खुलेपछि घर फर्कन भनी उनीहरुले १५ अप्रिलका लागि टिकट काटेका छन् । घर फर्कनुअघि एकपटक स्वास्थ्य जाँच गराउनु उपयुक्त सम्झेर उनीहरु आफैँ नारायणी अस्पतालमा पुगेको मस्जिदका मौलाना अलि असगरले बताए ।

यसमा तपाइको मत

Your email address will not be published. Required fields are marked *


*