स्वास्थ्य सामग्री खरिद प्रकरण : सम्पूर्ण कागजात पठाउन लेखा समितिको निर्देशन

आजको पत्रपत्रिका
बाग्मती खबर
१५ बैशाख २०७७, सोमबार ०८:३३

काठमाडौं :-मेडिकल सामग्री खरिदमा भएको भनिएको अनियमितता छानबिन गर्न लेखा समितिले सरकारसँग सम्पूर्ण कागजात समितिलाई उपलब्ध गराउन निर्देशन दिएको छ।

समितिले आइतबार सरकारलाई सात दिनभित्र कागजात तथा विवरण उपलब्ध गराउन निर्देश गरेको हो। कोरोना भाइरस नियन्त्रणका लागि आवश्यक स्वास्थ्य सामग्री खरिदका लागि विनाप्रतिस्पर्धा ओम्नी बिजनेस कर्पोरेटलाई जिम्मा दिएकोप्रति समितिको ध्यानाकर्षण भएको जनाएकाे छ ।

समितिले स्वास्थ्य तथा जनसङ्ख्या मन्त्रालयलाई पठाएको पत्रमा भनिएको छ, ‘कोरोना भाइरसको संक्रमण नियन्त्रण गर्ने उद्देश्यले स्वास्थ्य सेवा विभागमार्फत विनाप्रतिष्पर्धा ओम्नी बिजनेस कर्पोरेट इन्टरनेसनलसँग स्वास्थ्य उपकरण तथा आवश्यक सामग्री खरिद गर्ने प्रक्रिया अघि बढाइएको थियो । सो खरिद सम्झौता रद्द गरिएको बुझिएकाले यस सम्बन्धमा समितिले छानबिन कार्य अघि बढाउन आवश्यक देखिएकाले सो सम्बन्धमा मन्त्रालयको प्रतिक्रिया र त्यसलाई पुष्टि हुने आवश्यक कागजातहरू तथा खरिद प्रक्रियामा भए–गरेको सम्पूर्ण कागजातहरू उपलब्ध गराइदिनू।’आजको नया पत्रिका दैनिकमा खवर छ ।

यसमा तपाइको मत

Your email address will not be published. Required fields are marked *


*