नेकपा स्थायी कमिटिको वैठक आज , वजेटका विषयमा छलफल हुने

बाग्मती खबर
३१ बैशाख २०७७, बुधबार ०८:१९

काठमाडौं : सत्तारुढ नेपाल कम्युनिस्ट पार्टी (नेकपा )भित्र स्थायी कमिटी बैठक बोलाउने कि नबोलाउने भन्ने विवाद चलिरहेका बेला आजको लागि बैठक बोलाइएको छ। २० स्थायी कमिटी सदस्यले वैशाख १० गते नै बैठक बोलाउन लिखित माग गरेका थिए। सो पछि आज वुधवारको लागि स्थाइ कमिटि वैठक वोलाइएको हो ।

पार्टी मुख्यालय धुम्बाराहीमा बिहान ११ बजे बैठक बोलाइएको जानकारीसहित सूचना आएको स्थायी कमिटी सदस्य सत्यनाराण मण्डलले जानकारी दिए। ‘छोटो समयमा बैठक भनेर सूचना आयो, त्यसैले काठमाडौं आउँदै छु,’ उनले भने, ‘देश र जनताभन्दा ठूलो कुरा केही छैन। अबको परिस्थितिमा कसरी जान सकिन्छ भनेर बैठकमा छलफल हुन्छ। ’

बैठकको जानकारी आएपछि काठमाडौं आउँदै गरेको सुनाउँदै मण्डलले नीति तथा कार्यक्रम, बजेटसहितका विषयमा छलफल हुने बताए। कोरोना भाइरसको संक्रमणबाट नेपालसहित विश्व नै प्रभावित भइरहेको भन्दै त्यसको कसरी सामना गर्ने जस्ता विषयमा पनि छलफल हुने उनले जानकारी दिए। पार्टीभित्रैबाट सल्लाह सुझाव लिइएन भनेर गुनासो पनि आइरहेको सुनाउँदै उनले भने, ‘नीति तथा कार्यक्रम, बजेटसहितका विषयमा पार्टीले सुझाव लिन बैठक बोलाएको हो। ’

अर्का स्थायी कमिटी सदस्य युवराज ज्ञवालीले भने स्थायी कमिटी बैठक बोलाएको सूचना पाएको भए पनि एजेन्डाका विषयमा कुनै जानकारी नगराइएको बताए। कोरोना भाइरसको संक्रमण, नीति तथा कार्यक्रम बजेटसहित पार्टीभित्र धेरै विषय उठेको सुनाउँदै ज्ञवालीले भने, ‘विषय धेरै छन् तर अहिले यो यो विषय भनेर जानकारी गराइएको छैन। बैठकमै जानकारी गराउने होला। ’

पार्टीका अर्का अध्यक्ष पुष्पकमल दाहालसहित असन्तुष्ट पक्षका नेता अहिले बजेटसहितका विषयमा मात्र छलफल गर्ने र अन्य विषयमा पछि छलफल गर्ने समझदारीअनुसार बैठक बोलाइएको अध्यक्ष ओलीनिकट एक नेताले जानकारी दिए।

यसमा तपाइको मत

Your email address will not be published. Required fields are marked *


*