लकडाउन टेर्दैनन् हेटौंडाबासी, कमाण्डपोस्ट अनुगमनमा (फोटोफिचर)

जोन पहाडी
२ जेष्ठ २०७७, शुक्रबार १५:१७

हेटौंडा : कोरोना भाइरस (कोभिड–१९) को संक्रमणबाट जोगिनका लागि सरकारले गरेको लकडाउनलाई कार्यान्वन गराउन र कोरोना संक्रमण फैलिन नदिन मकवानपुरको कोरोना नियन्त्रण कमाण्ड पोस्ट नै फिल्डमा उत्रिएको छ । जिल्ला समन्वय समिती मकवानपुरका प्रमुख रघुनाथ खुलाल, प्रमुख जिल्ला अधिकारी दिपकराज नेपाल, मकवानपुर उद्योग वाणिज्य संघका अध्यक्ष कृष्ण कटुवाललगायतका टोलीले आज पनि हेटौंडा बजार क्षेत्रको अनुगमन गरेका छन् ।
नेपालभर लकडाउन भएको आज ५३ दिन भएको छ । तर बाग्मती प्रदेश राजधानी हेटौंडामा भने लकडाउनलाई उल्लङ्घन गर्दै हिड्नेको संख्यामा कमी आएको छैन । सरकारले बिहान ९ बजेसम्म अत्यावश्यक सामाग्री खाध्यान्न तथा औषधी खरीद गर्न तथा अस्पताल जानका लागि छुट दिएको छ । तर त्यही कुरालाई बहाना बनाएर १ किलो तरकारी, १ पाकेट नुन किन्न भन्दै बजार चहार्ने कै संख्या अत्याधिक रहेको छ । विनाकारण हिड्नेलाई प्रहरी प्रशासनले पनि कारवाही प्रक्रिया अगाडी बढाएको छ तर प्रहरी कै आँखा छलेर हिड्नेहरु भने बजारमा प्रसस्तै देख्न सकिन्छ ।
यस्तै आज मकवानपुर प्रहरीले लकडाउन उल्लङ्घन गर्ने ५२ वटा मोटरसाइकललाई नियन्त्रणमा लिएर राखेकको छ । अनावश्यक रुपमा बजारमा हिडडुल गरेको भन्दै मोटरसाइकललाई नियन्त्रणमा लिएर राखिएको जिल्ला प्रहरी कार्यालय मकवानपुरका प्रहरी प्रवक्ता सुजन पाठकले जानकारी दिनुभयो । मोटरसाइकल नियन्त्रणमा लिन थालिएपछि केही मोटरसाइकल चालकहरु भागेको पनि उहाँले बताउनुभयो ।
नेपालमा कोरोनाको संक्रमण बढ्दै गएको छ । झन हेटौंडा मकवानपुर जिल्लासँगै सिमा जोडिएको पर्सा जिल्ला लगायत बारा रौतहटमा समेत कोरोना संक्रमण बढ्दै गएको छ । आज शुक्रबार मात्र मकवानपुर घर भई काठमाडौंमा डेरामा बस्ने एक जनालाई कोरोना संक्रमण देखिएको छ । उनको बारेमा थप अनुसन्धान भइरहेको छ । यस अवस्थामा हेटौंडा सहित पुरा मकवानपुर जिल्ला पनि कोरोना संक्रमणको उच्च जोखिममा रहेको छ ।
फोटो फिचर :

यसमा तपाइको मत

Your email address will not be published. Required fields are marked *


*