बालबालिकालाई प्रशस्त स्थान दिनुपर्छ – उपमेयर लामा

बाग्मती खबर
२५ जेष्ठ २०७७, आईतवार १५:२६

हेटौंडा : बालबालिकाहरुको लागि प्रशस्त खेल्ने तथा दौडिने स्थान प्रदान गर्नुपर्ने हेटौंडा उपमहानगरपालिकाका उपमेयर मीनाकुमारी लामाले बताउनुभएको छ । आइतबार हेटौंडा–९ मा निर्माण भइरहेको मदन बाल उद्यान पार्कको अवलोकन गर्नुहुँदै पार्कमा बालबालिकाहरुलाई प्रशस्त खेल सामाग्रीसहित खेलमैदान निर्माण गर्नुपर्ने बताउनुभएको हो ।

बालबालिकाहरुलाई प्रशस्त खेल्ने ठाउँको व्यवस्था भएमा उनीहरुको व्यक्तित्व विकाससँगै शरीर पनि दरिलो बन्ने उहाँको भनाई रहेको छ । बजार क्षेत्रमा बालबालिकाहरुको लागि खेल्ने ठाउँको अभाव भइरहेको बताउनुहुँदै उपमेयर लामाले बालबालिकालाई खुला क्षेत्रमा खेल्न र दौडिन दिनुपर्ने बताउनुभयो ।

यो पनि पढ्नुहोस् :

प्रदेश सांसदद्धारा निर्माणाधिन पार्कको अवलोकन