खेलकुदमा बाग्मतीको ७९ करोड

बाग्मती खबर
२ असार २०७७, मंगलवार ०७:४३

हेटौंडा : बाग्मती प्रदेश सरकारले खेलकुदको क्षेत्रमा ७९ करोड १३ लाख रुपैयाँ बजेट बिनियोजन गरेको छ ।

सोमबार प्रदेश सरकारका आर्थिक मामिला तथा योजना मन्त्री कैलाश ढुंगेलले प्रस्तुत गरेको नयाँ आर्थिक वर्षको बजेटमा खेलकुदको बिकासमा सो रकम बिनियोजन भएको हो ।

‘विकास, गतिशिलता र स्वास्थ्यका लागि खेलकुद’ भन्ने सोचका साथ प्रदेश सरकारले खेलकुद पूर्वाधारमा योजनाबद्ध दिगो विकासका लागि सञ्चालन भएका बहुवर्षीय तथा क्रमागत आयोजनाहरुको निरन्तरता एवम् स्थानीय तहमा खेल मैदान निर्माण गर्ने कार्य तथा खेलाडीहरूको क्षमता विकास, स्थानीय खेल प्रवर्द्धन, प्रदेशस्तरीय खेलकुद प्रतियोगिता एवम् राष्ट्रिय प्रतियोगितामा सहभागिता समेतको व्यवस्था मिलाउन खेलकुद विकासको क्षेत्रमा ७९ करोड १३ लाख रुपैयाँ छुट्याएको छ ।