हेटौंडा सडक काण्ड : स्थानिय युवाहरुको बिरोध, शान्तिको कामना गर्दै गरे दिप प्रज्वलन

बाग्मती खबर
२ असार २०७७, मंगलवार २२:५०

हेटौंडा : हाल सामाजिक सञ्जालमा भाइरल भइरहेको हेटौंडा उपमहानगरपालिका वडा नम्बर ३ मा बसामाडीको लेबट क्षेत्रबाट जमुचौतारा जाने सडक स्ल्याब ढलानको क्रममा बिच सडकमा नै एउटा बिजुलीको पोल राखेर सडक ढलान गरेपछि त्यहाँका स्थानिय युवाहरुले सांकेतिक रुपमा बिरोध जनाएका छन् ।

आज मंगलबार साँझ केही स्थानिय युवाहरुले पोल भएको स्थानमा दिप प्रज्वलन गरेर सांकेतिक रुपमा सो कार्यको बिरोध गरेका हुन् । ४ मिटर चौडाइृ भएको सडकको बिचमा बिजुलीको पोल पर्नेगरी ढलान गरिएको सडकमा भोलीका दिनमा सवारी दुर्घटनाको सम्भावना रहेको भन्दै बाटो निर्माणमा जसले गल्ती गरेको हो, उनीहरुले सजाय पाउनुपर्ने माग गरेका छन् ।

No description available.

युवाहरुले नवनिर्मित सडकमा नेपालको नक्सा सहित दिप प्रज्वलन गर्दै गरेको तस्बिर सामाजिक सञ्जाल फेसबुकमा राखेर लेखेका छन्, ‘नयाँ नेपाल र नयाँ बाटोमा जस्को गल्ती हो उस्ले सजाय पाउनुपर्छ भनेर शान्तिको दिप बाल्दै…. ।’

बाग्मती प्रदेश सरकारबाट सडक स्ल्याब ढलानको लागि आएको ३० लाख रुपैयाँ बजेट आएपछि तुरुन्तै काम सकाउन पर्ने र बिद्युत प्राधिकरणले तुरुन्त पोल नसारेपछि पोललाई नै बिचमा पारेर सडक स्ल्याब ढलान गरिएको थियो ।

यो पनि पढ्नुहोस् :

हडबढको काम गडबढ : बजेट फिर्ता जाने भएपछि बिजुलीको पोललाई बिचैमा राखेर गरियो सडक ढलान