सरकारलाई नमान्ने, कोरोना देखि नडराउने हेटौंडाका मान्छेहरु (हेर्नुस फोटोहरु)

जोन पहाडी
२५ असार २०७७, बिहीबार १२:३९

हेटौंडा : विश्वभर महामारीका रुपमा फैलिएको कोभिड १९ का कारण सबै क्षेत्रमा असर पुगेको छ । कोरोना भाइरसका कारण नेपालमा पनि प्राय सबै क्षेत्रमा ठूलो असर पुगेको छ । कोरोना भाइरस रोकथामका तथा नियन्त्रणका लागि लामो समय लकडाउन भएपछि सवारी साधन बन्द गरेको छ ।


तर हेटौंडाका जनता भने कोरोनाको डर नभए जसरी हिँडिरहेका छन् । सरकारले अब मास्क नलगाई बाहिर निस्किनेमाथि कडाई गर्ने भनिएको तीन दिन बित्दा पनि बागमती प्रदेशको राजधानी हेटौंडामा सर्वसाधरण मानिसहरु मास्क नलगाई हिँडिरहेका छन् ।  तर मकवानपुर प्रहरी र प्रशासनले कडाई गर्न सकेको छैन । प्रहरीहरु आफैं पनि मास्क नलगाई हिँड्ने गरेका छन् । मकवानपुर प्रहरीले हेटौंडाका सडकहरुमा, कार्यालयहरुमा समेत मास्क नलगाई हिँड्ने सर्वसाधारणलाई रोकेर सोध्ने समेत गरेको छैन ।


गृह मन्त्रालयले सोमबार मास्क नलगाई घरबाट निस्किएको पाए कडा कारबाही गर्न प्रहरी प्रधान कार्यालयलाई निर्देशन दिएको छ । यो निर्देशन देशैभर लागू गर्न पनि भनिएको थियो ।

‘कोरोना भाइरसको संक्रमण बढिरहेको छ । त्यसकारण सरकारले लागू गरेको पुरानै नियमलाई निरन्तरता दिन लागिएको हो । , ‘सरकारले दुई मिटरको दूरी कायम गर्नुपर्ने, मास्क लगाएर मात्र बाहिर निस्किनुपर्ने नियम ल्याएको छ । गृह मन्त्रालयले भनेको छ ।