बाग्मती प्रदेशको स्वाथ्य आपुर्ती केन्द्रमा व्यापक भ्रष्टाचार

सवभन्दा वढी मुल्यको टेन्डर स्वीकृत , मिलेमतोमा कार्यालय प्रमुखनै संलग्न
बाग्मती खबर
२६ भाद्र २०७७, शुक्रबार १४:३९

उज्वल चौलागाई

हेटौडा :-बागमती प्रदेश सरकारले कोरोनाको लागि औषधी तथा स्वाथ्य सामाग्री खरिद गर्ने क्रममा कर्मचारीको मिलेमतोमा व्यापक अनियमितता भएको पाइएको छ ।

बागमती प्रदेश सामाजिक विकास मन्त्रालयको अन्र्तगत रहेको स्वाथ्य आपुर्ति व्यवस्थापन केन्द्रले कोरोना परीक्षण तथा आइसीयु संचालनको लागि खरिद गर्न लागेको पिसिआर मेसिन तथा मोवाइल एक्स्रे मेसिन खरिद गर्ने क्रममा सेटिगमा काम गरि व्यापक अनियमितता गरेको पाइएको हो ।
व्यवस्थापन केन्द्रका प्रमुख वसन्त अधिकारीको मिलेमतोमा टेन्डरमा सवभन्दा कम मुल्यमा सामान दिन कवुल गर्ने कम्पनीले टेन्डर पाउनु पर्ने भएपनि सवभन्दा वढी रकम कवुल गर्ने कम्पनीलाइ टेन्डर सदर गराइ राज्यको ठुलो रकम अनियमिता गरेकाछन् ।
नियमानुसार सवभन्दा कम एक करोड ९३ लाख कवुल गर्ने वायो मिड इन्टरनेशनलले टेन्डर पाउनुपर्ने भएपनि रकमको चलखेलमा सवभन्दा वढी रकम कवुल गर्ने म्याप एविविटीलाइ २ करोड १३ लाखमा मिलेमतोमा टेन्डर स्वीकृत गरिएको छ ।

यस कार्यमा खरिद समितिका सन्योजक डा अर्जुन सापकोटा तथा कार्यालय प्रमुख वसन्त अधिकारनै संलग्न भएको कर्मचारीहरुनै वताउछन् । यस अगाडि पनि कोरोनाको लागि आवश्यक स्वाथ्य सामाग्री खरिद गर्दा यसैगरि मिलेमतोमा दररेट माग समेत नगरी २ करोड वरावरको सामान खरिद गरि सकेका छन् । यस सम्वन्धमा कार्यालय प्रमुख अधिकारीले भने नियमानुसारनै टेन्डर स्वीकृत गरिएको दावी गरेका छन् । रेटमात्र आधार हुदैन त्यसै कारण वढी रेट भएपनि टेन्डर दिएका हौ अधिकारीले वताउनु भयो ।
व्यवस्थापन केन्द्रले हेटौडा, सिन्धुली र भक्तपुर अस्पतालले पाउने गरि एक एक थान पिसिआर मेसिन गरि ४ थान पिसि आर मेसिन तथा तथा आइसियु संचालनको लागि मोवाइल एक्स्रे खरिदको तयारी गरेको छ ।

यस्तो छ मिलेमतोको कथा
सामाजिक विकास मन्त्रालय अन्र्तगत खुवै मालदार अड्डाको रुपमा चिनिएको स्वथ्य आपुर्ति व्यवस्थापन केन्द्रले प्रदेश भरका स्वाथ्य संस्थाहरुलाइ सामान आपुर्ति गर्नलाइ टेन्डर माग गर्दा नै आफुले चाहेको संस्थलाई दिने गरि स्पेसिफिकेसन मिलाएको तथा अहिले रेट समेत वढी भएको संस्थालाइ टेन्डर स्वीकृत गरिएको छ

खाता नंवर गलत
टेन्डर दर्ता गर्ने समयमा हेटौडाका वैक तथा वित्तिय संस्था नै वन्द भएको अवस्थामा वैक ज्ञारेन्टी तथा धरौटी रकम जम्मा गर्न असहज गराइएको थियो भने कार्यालयले वेवसाइडमा प्रकासन गरको खाता नं पनि मलिेमतोमा गलत राखिएको थियो । जसको कारण प्रतिषप्रर्धापनि कममात्र संस्थाले गर्न पाएका थिए ।

बागमती प्रदेशको सामाजिक विकास मन्त्रालय युवा मन्त्री युवराज दुलालले सम्हाल्दै आएका छन् । आफ्नो मन्त्रालय अन्र्तगत रहेको कार्यालयले गरेको अनियमिततालाइ कसरी कारवाही गर्छन या ढाकछोप गर्छन हेर्न वाकीनै छ ।