नक्कली नागरिकता वनाएको आरोपमा पक्राउ परेका बोस हाजिर जमानीमा रिहा

बाग्मती खबर
२९ भाद्र २०७७, सोमबार १०:५६

हेटौडा-  नक्कली कागजपत्र पेस गरी नेपाली नागरिकता लिएको आरोपमा पक्राउ परेका भारतीय मुलका उद्योगी बिके वोस (बिप्लव कान्ति बोस) हाजिर जमानीमा रिहा भएका छन् ।

हेटौडा प्रहरीले पक्राउ गरि रौतहट पुर्याएको वोसलाइ आफ्नै छोरा ,छोरी नागरिकता लिएको वडाको जनप्रतिनिधीको रोहवरमा छाडिएको रौतहट जिल्लाका प्रमुख जिल्ला अधिकारी इन्द्रदेव राय यादवले टेलिफोनमा वताउनु भयो । उनलाइ सफाइ दिइएको होइन , छानविनको प्रकृयामानै छ । प्रहरीले छानविन गरिरहेको र प्रयाप्त प्रमाण जुटाउन समयलाग्ने भएको तथा विरामी समेत रहेको थाहा पाए पछि परेको समयमा उपस्थित गराउने गरि जिम्मा जमानीमा छाडेका हौ , प्रजिअ यादवले वताउनु भयो ।
नक्कली कागजपत्र पेश गरि ०६३ साल चैत्र ६ गतेको मितिमा रौतहट जिल्लाको वडहर्वा गाउपालिका ५ नं वडावाट वुवाको नाम निखिल उल्लेख गरि नागरिकता लिएका हुन् ।उनले लिएको नागरिकतामा जन्मको आधारमा भनी उल्लेख गरिएको छ । उनले जन्म भएको ४७ वर्ष पछि नागरिकता लिनुले पनि नागरिकतामा शंका गर्नु पर्ने ठाउ देखिन्छ ।

जन्मको आधारमा नागरिकता लिन वुवा तथा आमा पनि लामो समयदेखि नेपाल वस्नु पर्ने भएपनि भारत वंगाल स्थाइ घर भएका बोस ०५५ साल ताका ग्लोवल राइटिग सिष्टममा ओभरसियरका रुपमा नेपाल आएका थिए । सो पछि सुपरलेमिकोट्स मा उधोग म्यानेजरका रुपमा कार्यरत रहदै आएका थिए । नेपाल आएपछि शुरुवाटनै हेटौडामा वसोवास गरेका बोस ०६३ सालमा भने रौतहट जिल्लावाट गरि नागरिकता लिन सफल भएका थिए ।